2019(e)ko urtarrilakren 29(a), asteartea

Gure taldeak gaur janzkerak bukatu ditu denbora luze batez eta gero,  hurrengo egunean gidoia egiten hasiko gara; hemendik gutxira iñauteriak datozte eta gure taldekideak gogo asko dute.




Txotxongilo biziak

Aste batzuk daramakigu txotxobgiloak dekoratzen eta prestatzen. Bakoitzak bere modura diseinatu du eta dotore-dotore jarri du. Noski gure laguntza eskaini diegu, txotxongilo beren gustura atera zedin. Azterketa astea eta inauteriak hurbil dauzkagu; beraz panpinak bukatzen saiatu gara, gero gidoirekin hasteko. Begira ezazue gure taldea!

Lan ta lan

Dagoeneko gidoia pentsatzen hasi gara , harrigarria da batzuek jartzen duten aurpegia gidoia entzun orduko. Eszenatokiari ere jada itxura ematen hasi gara behia eta gauza ezberdinak jartzen joan gara, bertan ikusten den  baserriaren izena gure etxea da .


ATZERAKO KONTAKETA: 

Esku biziak iñauterietarako prestatzen. Jada hasi dira mozorroak eta txilabak prestatzen. Gogoak nabari dira, taldean sortutako koroarekin, festetako abestiak pozten dituzte atson-amonak. Ea ostegunerako denak prest dauzkagun.


2019(e)ko urtarrilakren 28(a), astelehena

Elkar ezagutzen jarraitzen dugu


Jarraitzen dugu Ibarrako Garagunera jaisten. Dinamika desberdinak egin ditugu elkar ezagutzeko: bakoitzak dauzkan zaletasunak, egiten ditugun eskolaz kanpoko ekintzak, gustatzen zaizkigun gauzak,…

Guztion artean pentsatu genuen aurkezpen bideo bat egitea proiektu honen protagonistak ezagutzeko.

Ekin lanari! Hementxe bideoa






2019(e)ko urtarrilakren 23(a), asteazkena

Gure txokoari forma ematen

Lehengoan ere lanean ibili ginen ilusio handiz. Dagoeneko eszenarioarekin hasi gara eta ideia berriekin gure elkarrizketan jartzen, hori bai, denon artean ideia bikainak lortu ditugu.

Astero bezala gehiago ezagutuz goaz, oraingoan Sole falta genuen baina ez genuen ahaztu, ez noski! Gure txokoa berezi bihurtzen ari da eta espero dugu horrela jarraitzea, zoragarriak dira eta.




2019(e)ko urtarrilakren 22(a), asteartea

Eszenatokiari forma ematen

Hasi gara dagoeneko eszenatokia apaintzen. Guk moztutako behia, hodeiak… gehitzen joan gara baserri baten itxura emanez "Gure etxea" da haren izena. Antzerkian, testua prestatzen ere hasi gara pertsonaiak finkatuz. Orain, istorioa pentsatzea bakarrik falta da. Aupa talde!

Argazkian, Marian eta Mila ikus ditzakegu beraien artean laguntzen.



2019(e)ko urtarrilakren 8(a), asteartea

Ilusio eta gogoz jarraitzen dugu!

Gaurkoan ere Uzturre zentrora joan gara Herrikideko ikasleak. Gabonak baino lehen hasi ginen proiektu polit honekin, denok ilusioz hasi ginen lehen egunetik eta hala jarraitzen dugu gogo handiarekin joaenez, baita beraiek ere.

Lehen egunetan izenak, gure gauzak... kontatzen ibili ginen eta astero ezagutzen goaz bitartean. Asteartero Uzturrera joateko ordua iristen denean denak pozik jaisten gara, azken finean beraietaz ikasteko aukera ere dugu eta.

Orain proiektuarekin gabiltza, “Esku Biziak”.  Dagoeneko gure panpinak itsura hartu dute nahiz eta gauza batzuk falta. Eszenatorioa ere  hasi dugu denon ideiak ezarriz, baita gidoia ere.

Hurrengo astean berriz ere ikusiko dugu elkar denok gogo handiz, lehen esan dudan bezala.


Esku biziz hasi!

Gabonak baino lehen hasi ginen proiektu honekin, lehenengo egunean denok gure burua aurkeztu eta antzerkiaren gaia aukeratzen hasi ginen; ideia asko eduki genituen baina azkenean ezkontza bat egingo genuela adostu genuen.

Egun hauetan zehar rolak banatu ditugu eta eszenarioa prestatzen hasi gara, honetaz Javi, Sauro eta Joanes arduratu dira.
Besteek aldiz, panpinak tuneatzen egon gara, ezkontza dela eta mozorro dotoreak eta argiak egin ditugu.
Begira! Hemen dituzue Carmen eta Angeles beraien panpinak erakusten!

Eskuei bizia ematen

Lehenengo egunean gogotsu sartu ginen Uzturre zentrora. Dagoeneko, asteak daramatzagu bertan gogor lan egiten. Gure taldean 11 gara. Nahiz eta, lehenengo egunean ez genuen adostu zer eta nola egin, hurrengo astean pozez elkarbanatu genituen gure bizipenak guztien artean istorio bat irudikatzeko eta bertan denak identifikatuak sentitzeko.

Herri txiki bateko familia bat eta bizilagunak egitea pentsatu genuen: bikote homosexualak eta heterosexualak, ile horiak edo marroiak, gazteak, zaharrak… Denak batera familiako aitona-amonaren urrezko ezteiak ospatzera joango dira belaze batera “picnic” eginez, egun lasai bat igaroz.

Gaurkoan, Alicia gehitu zaigu eta bere panpinari lepoko koloretsu bat egin diogu. Jokinek eta Milak, amaituta zituztenez, eskuzorroak aukeratu dituzte antzerkirako guztiz prest egoteko. Marianek eta Benitak ere ia amaituta zituzten, eskuzorroak apaindu eta azken ukituak eman dizkiegu, bien panpinak oso dotore jantziak daude. Festan dantzatzera doazela dirudite! Pepik amaituta utzi du bere lana, eta Solek gorputza eta guzti egin dio telak josiz. Ikasleok ere amaitu eta utzi ditugu gure lanak.

Jada, lehen hiruhilabetekoa amaitu zaigu; horregatik, Gabonetako oporretara joan baino lehen panpinak eta haien mozorro guztiak amaituta utzi izan nahi ditugu. Beraz, Gabonetatik itzultzean hasiko gara eszenatokiarekin topean. Ondo izan!